San Jose del Monte City Hymn

AWIT NG MAMAYANG SAN JOSEŇO
(Music & Lyrics by Delia Silorio Ruizol)

Kinalinga ka ng bayang sinilangan
Pinatibay para sa hinaharap
Sa patuloy na pagpupunyagi
Kaagapay ka namin sa bawat sandali

San Jose del Monte, mahal kong Bayan
Di kailanman kita malilimutan
Ikaw ang sandigan sa kinabukasan
Mga aral mo’y di namin tatalikdan

Hinubog mo kami sa tamang landas
Adhikain mo’y gabay sa aming bukas
Pinag-iisa mo ang puso’t isipan
Sa pagkakaisa’t pagtutulungan

san Jose del Monte, mahal kong Bayan
Iaangat ka namin pag-iingatan
San Jose del Monte, mahal kong Bayan
Inaning tagumpay, ika’y pag-aaalayan

Anumang pagsubok, sa ami’y darating
Kami’y matibay kung ika’y kapiling
May kalutasan ang bawat suliranin
Pagka’t nand’yan, aral mo ay susundin

San Jose del Monte, mahal kong Bayan
Di kailanman kita malilimutan
Ikaw ang sandigan sa kinabukasan
Mga aral mo’y di namin tatalikdan

San Jose del Monte, mahal kong Bayan
Iaangat ka namin pag-iingatan
San Jose del Monte, mahal kong Bayan
Inaning tagumpay pag-aalayan ka

SAN JOSE DEL MONTE

MAGSAMA-SAMA NA TAYO PARA SA IBAYONG OPORTUNIDAD AT MAIANGAT ANG KALUSUGAN, KARUNUNGAN, KABUHAYAN, AT KAPAYAPAAN SA LUNGSOD NG SAN JOSE DEL MONTE!